Pedras decoradas
Coelióbriga, xunto con outros lugares centrais da área bracarense (como Santa Tegra ou Monte Mozinho) son os oppida galaicos nos que apareceron máis pedras decoradas. Na zona lucense non se coñece este tipo de arte decorativa.
Boa parte destas pezas empotrábanse nas paredes ou lucían no contorno dos ocos (portas, celosías ou xanelas).
A plástica sobre pedra é un capital simbólico que fai as veces de marcador social dentro da comunidade, sobre todo a finais da Idade do Ferro (entre o 450 e o Ano 0). Coa chegada da romanización esta manifestación artística desaparecerá.
O simio
Esta figura zoomorfa foi atopada formando parte da cimentación do muro dunha cabana, unha vez perdida a función simbólica coa que seguramente contaba así que rachou a súa cabeza, tal vez de xeito intencionado.
Representa a un simio sentado e encollido sobre si mesmo, que suxeita un obxecto indeterminado entre os pés e as mans, e incluso semella que con estas quere tapar a boca ou os ollos.
Fóra das interpretacións controvertidas e significado hipotético que poida agochar, representa unha peza única dentro da plástica escultórica castrexa.
De aí que os excedentes pasen a conservarse en fosas de grandes dimensións escavadas no chan; no seu interior, con frecuencia, aparecen muíños planos e
naviformes, e tamén vasos cerámicos decorados nos que foron atopados restos de trigo, nabos, repolos, verzas ou incluso herba.
